Soċjeta' Mużikali Peace Naxxar

Minn kien Mons Fr Richard Borg B.A., Lic.D.? Twieled nhar is-7 ta’ Ottubru 1948 fin-Naxxar minn Saviour Borg u Marianne nee Camilleri. Studja fl-iskola Primarja tal-Gvern fin-Naxxar u ħa l-edukazzjoni sekondarja tiegħu fis-Seminarju tal-Arċisqof fil-Floriana. Wara kompla l-istudju terzjarju fl-Università ta’ Malta bejn l-1967 u l-1974 fejn fl-1970 kiseb il-grad ta’ Baċellerat , B.A.Gen., fil-Filosofija, fil-lingwa Ingliża u f’dik Taljana, u fl-1974 kiseb il-Liċenzjat. Lic.D., fl-istudji Teoloġiċi ....

Int kont taf li l-Banda Peace (dak iż-żmien La Pace) madwar 122 sena ilu kienet ħadet sehem fil-Ġubilew tad-Djamanti tar-Reġina Vittoria?  

Kien nhar il-Ħadd, 20 ta’ Ġunju, 1897, meta il-Banda tagħna, li dak iż-żmien kienet tissejjaħ ‘La Pace’, daqqet fil-Ġubilew tad-Djamanti tar-Reġina Vittoria ma’ 32 banda oħra matul Strada Reale sa Pjazza Teżorerija, fil-Belt Valletta.

Kont taf li 65 sena ilu... fl-1953, indaqq għall-ewwel darba l-Innu tas-Soċjetà “Il-Paċi”, kompożizzjoni tas-Surmast Direttur Mro. Salvatore Schembri minn-Naxxar. Tkanta mal-Banda l-ewwel darba fl-1990 bil-versi ta’ Dun Anton Sciberras.

Kontu tafu li propju 80 sena ilu fis-Seduta Ġenerali li nżammet f'Jannar, 1938, l-isem tal-Banda 'La Pace' nqaleb mit-Taljan għall-Ingliż biex sar 'PEACE BAND CLUB'? Fis-seduta ta' wara, il-membri tal-Kumitat, iddeċidew li jagħmlu bandiera ġdida bl-arma u l-isem tal-Każin. Il-Bandiera kien ħadimha s-sur Salvatore Pirotta bla ħlas.

Iddeċidejna li minn din is-sena nibdew intukom siltiet qosra li jinżlu tajjeb magħkom dwar personalitajiet li jgħixu fin-Naxxar jew li huma minn hawn. Bdejna bil-personalità maħbuba BEN CAMILLE. Forsi tistaqsu: mela Ben min-Naxxar?

Kellimt  lil  Ben  u  qalli  li  m'għadux  joqgħod  fin-Naxxar għaliex  iżżewweġ,  imma jimmissjah immensu jqisu bħala r-raħal li fih għex twelidu u qatta' iktar minn 20 sena jgħix fih.