64 Sena minn meta Palazzo Vittoria sar proprjetà tas-Soċjetà Mużikali Peace
Fit-13 ta’ Ottubru 1962, proprju 64 sena ilu, is-Soċjetà Mużikali Peace għamlet pass storiku fil-ħajja tagħha, meta xtrat il-każin permezz tal-Atti tan-Nutar Francis Micallef. Dan seħħ fis-sena ċentinarja mit-twaqqif tas-Soċjetà, u minn dak il-jum ’il quddiem, Palazzo Vittoria sar proprjetà sħiħa tas-Soċjetà, fil-qalba tal-Pjazza Naxxarija.
Din il-kisba storika kienet frott il-viżjoni, il-kuraġġ u l-għaqal ta’ dawk li ġew qabilna, li għarfu l-importanza li jinvestu fil-futur tas-Soċjetà u jiżguraw li jkollha dar tagħha. Deċiżjoni li, sal-lum, tibqa’ xhieda tal-impenn u l-previżjoni tagħhom.
F’dan l-anniversarju, inħarsu lura b’għożża u gratitudni lejn dawk li permezz tad-deċiżjonijiet għaqlin tagħhom ħallewlna wirt tant prezzjuż. Grazzi għalihom, il-ġenerazzjoni preżenti u dawk futuri jistgħu jkomplu jgawdu u jgħożżu dan il-ġojjell arkitettoniku u storiku, li huwa tassew tagħna.
Palazzo Vittoria – wirt li ngħożżu, storja li nkomplu nibnu.
🎥 Nistednukom terġgħu taraw id-dokumentarju “100 Sena f’Palazzo Vittoria”, maħruġ fl-2017, li jfakkar il-vjaġġ storiku tas-Soċjetà u r-rabta tagħha ma’ dan il-post tant għal qalbha.
Filmat | 100 Sena f'Palazzo Vittoria - Dokumentarju 2017