Nhar is-Sibt 7 ta' Mejju ttellgħa Seminar interessantissimu fejn ġie preżentat u diskuss riżultat ta sħarriġ xjentifiku.
Matul l-aħħar jiem is-Soċjetà Mużikali Peace kkumisjonat lil Dr. Vincent Marmarà sabiex jagħmel stħarriġ xjentifiku dwar diversi aspetti marbuta mas-Soċjetà tagħna, l-festa u l-volontarjat fost in-Naxxarin.
Dr. Marmarà preżenta r-riżultat waqt dan is-seminar kif ukoll għamel l-analiżi tiegħu.
Huwa ħa sehem f’diskussjoni flimkien ma’ panel ta’ professjonisti minn diversi setturi sabiex janalizzaw dan l-istħarriġ vis-à-vis is-Soċjetà tagħna u li finalment li nagħmlu pjan ‘il quddiem ibbażat fuq il-fatti.
Il-kelliema prinċipali fis-seminar kienu: Dr. Marie Avellino, Dr. Albert Bell, Profs. George Cassar u Dr. Vincent Marmarà.
Is-Seminar ġie mmexxi mill-preżentatur Sergio Mallia.
Dan il-proġett ġie ffinanzjat permezz taI-Voluntary Organisations Project Scheme amministrat mill-Kunsill Malti għas-Settur tal-Volontarjat.