Soċjetà Mużikali Peace Naxxar

Is-Soċjetà Mużikali Peace se tippreżenta ‘A Night at the Movies – Christmas Spectacular’, li se jsir fit-Teatru tal-Kulleġġ ta’ San Alwiġi, f’Birkirkara, nhar is-Sibt, 5 ta’ Diċembru 2026. Wara s-suċċess kbir tal-edizzjonijiet preċedenti, il-Banda Peace tan-Naxxar se terġa’ tippreżenta dan l-ispettaklu għall-ħames darba, b’serata mill-aqwa għal dawk kollha li jħobbu l-mużika u d-dinja affaxxinanti taċ-ċinema. Il-programm se jkun jinkludi siltiet mill-aqwa films li għandhom rabta mal-perjodu tal-Milied.

Dalgħodu, il-President u s-Segretarju tas-Soċjetà Mużikali Peace, Naxxar, poġġew kuruna tal-fjuri fiċ-Ċimiterju tan-Naxxar, b’tifkira tas-Soċji, Bandisti, Benefatturi u dawk kollha li ħadmu b’risq il-Festa ta’ Marija Bambina u li llum jinsabu jistrieħu fil-paċi tal-Mulej.

Is-Soċjetà Mużikali Peace, Naxxar, tawgura lill-adolexxenti kollha li llejla se jirċievu s-Sagrament tal-Griżma tal-Isqof fil-Parroċċa tan-Naxxar, b’mod speċjali lill-membri u lill-bandisti tagħna.

B’niket u b’rispett, insellmu l-memorja ta’ Fr. Adrijanu Cachia, li għadda għall-ħajja ta’ dejjem. Fr. Adrijanu serva bħala Direttur Spiritwali tas-Soċjetà Mużikali Peace bejn l-2014 u l-2019, fejn tul is-servizz tiegħu dejjem wera dedikazzjoni, imħabba u impenn lejn is-Soċjetà.

B’sogħba kbira nsellmu l-memorja ta’ Victor Muscat (“Tan-Naw”), Naxxari, li ħalliena aktar kmieni llum. F’dan il-mument ta’ niket, is-Soċjetà Mużikali Peace twassal il-kondoljanzi sinċieri tagħha lill-Familja Muscat, li magħha hemm diversi membri li huma wkoll parti mill-familja tas-Soċjetà tagħna. Ninsabu magħkom f’dan iż-żmien diffiċli u nawgawlkom is-saħħa u l-kuraġġ biex tiffaċċjaw din it-telfa.

Is-Soċjetà Mużikali Peace tesprimi l-awguri tagħha lil Mikhail Grima Agius, mużiċist fi ħdan il-Banda Peace u Rappreżentant tal-Kummissjoni Banda, li kiseb b’suċċess id-diploma Associate of the London College of Music (A.L.C.M.) fil-kategorija Full Drumkit.