Soċjetà Mużikali Peace Naxxar

Il-Ktieb uffiċjali tal-Festa 2026 issa jinsab disponibbli! Tista' takkwista l-kopja tiegħek mill-każin, filwaqt li kull donazzjoni xierqa tkun apprezzata ħafna b'rispett lejn il-ħidma li ssir. Ħajr u Ringrazzjament: Grazzi kbira lill-Bord Editorjali għall-impenn u x-xogħol rebbieħ tagħhom. Kontributuri: Grazzi mill-qalb lil dawk kollha li saħħew dan il-ktieb permezz tal-messaġġi u l-artikli tagħhom. Sostenituri: Grazzi speċjali lill-isponsors u l-kumpaniji kollha li rreklamaw u għenu biex din il-pubblikazzjoni tkun tista' ssir realtà. Grazzi lilkom il-qarrejja u segwaċi tagħna! 

Inżejnu Djarna u Nixgħelu Beltna bil-kulur Blu bi tħejjija għal Festa, s-Soċjeta' tagħna qed tistieden lin-Naxxarin kollha sabiex jingħaqdu llkoll magħha u jżejjnu d-djar tagħhom bil-kulur tradizzjonali blu. Tellaw il-bnadar, festuni u pavaljuni sabiex nagħtu bidu għal Festa kbira fejn din is-sena ser nkunu qiegħdin niċċelebraw l-anniversarju speċjali ta' 300 sena statwa fostna n-Naxxarin.

Illum niċċelebraw anniversarju speċjali, 11-il sena ta’ memorji sbieħ, ħbiberiji u mumenti indimentikabbli! Għal dawn l-11-il sena, OTTO Clubhouse kompla jkun parti mill-komunità tagħna, fil-qalba tan-Naxxar, u joffri post fejn in-nies jiltaqgħu, jissoċjalizzaw u joħolqu memorji sbieħ flimkien. Nawguraw lil OTTO Clubhouse ħafna aktar snin ta’ suċċess, ħbiberija, ferħ u mumenti li jibqgħu mfakkra fil-qalba tan-Naxxar!

Ninsabu ferħana li nifirħu lill-studenti tagħna fi ħdan l-Iskola Mużikali li kisbu riżultati mill-aqwa fl-eżamijiet tat-teorija mużikali minn London College of Music Examinations: Ishmael Bonello – Grade 2, Benjamin Chetcuti – Grade 2, Keiran Fenech – Grade 3,  Julia Bonnici – Grade 3.

Dalgħodu qomna b’aħbar xejn sabiħa -  b’niket u dispjaċir kbir inħabbru t-telfa ta’ Raymond Chetcuti, bniedem kwiet u leali f’dak kollu li kien jagħmel: fil-familja, fuq il-post tax-xogħol, kif ukoll fi ħdan is-Soċjetà Mużikali Peace, Naxxar. Raymond huwa ex-membru fil-Kumitat, raġel tal-Kaxxiera tas-Soċjeta', Mariella Chetcuti u missier Gayle u Keith li huma membri attivi fis-Soċjeta' u ex mużiċisti. Raymond kien raġel eżemplari u persuna ġentili ta’ rġulija kbira, li dejjem wera d-disponibbiltà tiegħu minn qalbu lejn is-Soċjetà. 

Nhar l-Erbgħa 12 t'Awwissu, ġewwa l-Vatikan, ġiet imbierka l-Warda tad-Deheb mill-Qdusija Tiegħu l-Papa Ljun XIV waqt Udjenza Ġenerali, fil-preżenza ta’ delegazzjoni mill-Parroċċa tagħna mmexxija mill-Arċipriet tagħna, il-Kanonku Dun David Gauci.