Fis-sena 2023, minħabba l-previżjonijiet instabbli tat-temp ġie deċiż li l-purċissjoni ta' Marija Bambina issir nhar il-Ħadd 10 ta' Settembru minnflokk fit-8 ta' Settembru. Il-Banda Peace fis-6:45pm bi privilleġġ kbir akkumpanjat l-istatwa artistika u devota ta' Marija Bambina fil-purċissjoni bl-innijiet tant sbieħ u popolari man-Naxxarin. Mal-wasla tal-istatwa fil-Pjazza, l-poplu flimkien mall-kor akkumpanjaw lill-Banda Peace fil-kant tal-innijiet. Il-Banda Peace ssellmet lill-Bambina bid-daqq tal-Ave Maria tas-Surmast Gużeppi Fenech akkumpanjata mit-tenur Jake Cauchi.
O Bambina - kollok glorja,
Bħal Reġina - inberkuk,
Biex tgħannina - bil-Vittorja,
Omm ħanina - nitolbuk.