Illum is-Sibt 20 ta' Lulju qiegħdin niċċelebraw it-Tielet Sibt tal-Festa għażiża tagħna ta' Ommna Marija Bambina. F'dan is-Sibt iddeċidejt li naqsam magħkom poeżija ħelwa miktuba minnha lill-għażiża Ommna Marija Bambina bl-isem, Lill-Bambina taċ-Ċkejknin.
Lill-Bambina taċ-Ċkejknin
O Marija Bambina,
Is-saħħa agħtina;
Sabiex naħdmu bla waqfien,
Fin-Naxxar u kullimkien.
Żommna hienja u magħqudin,
Biex irrawmu t-tfal ċkejknin;
Jikbru jħobbu l-kultura,
Fi ħdan Għaqda ferm matura.
Fost ċapċip u allegrija,
It-tfal ferħu alenija;
Daru miegħeK u għollewk,
B’ħafna bews huma mlewk.
Kantaw, talbu lil Marija,
F’nofs il-pjazza Naxxarija;
Preparati għal Jum tiegħeK,
Żommhom b’għożża dejjem miegħeK.
Nitolbuk bl-akbar ħlewwa,
Tħaddan l’uliedna sewwa;
Matul is-snin ibqa’ berikhom,
Tieqaf qatt b'imħabbtek tħarishom.
Nixtiequ nħeġġu lin-Naxxarin kollha sabiex itellaw l-bnadar fuq il-bjut tagħkom matul dawn id-disa' Sibtijiet li ġejjin li jwassluna għal Festa tant għażiża tagħna ta' Ommna Marija Bambina.
VIVA MARIJA BAMBINA
Mill-Arkivji: Feature tal-Festa tas-sena 2016
L-aħħar aġġornament sar nhar: Is-Sibt, 20 ta' Lulju 2019