Nhar Il-Ħadd, 14 ta’ Mejju, ġiet inawgurata mill-ġdid is-Sala tal-iSnooker mill-Ministru għat-Turiżmu l-Onorevoli Clayton Bartolo u mbierka mill-W.R. Arċipriet Dun David Gauci. Dan wara l-akkwist ta’ mejda ġdida fjamanta RASSON Magnum II u sar xogħol ta’ tisbiħ u rinnovazzjoni fis-Sala b’għajnuna miksuba mill-Awtorità Maltija għat-Turiżmu u CE Installations. Wara inkixfet plakka kommemorattiva w ingħata apprezzament lill-President Onorarju l-Onorevoli Clayton Bartolo, is-Soċji Onorarji Marlon Brincat u Joseph Galea, u l-President tal-Malta Billiards and Snooker Association Ivan Brincat.
Fl-aħħar saret wirja miċ-Champion tal-iSnooker lokali Aaron Busuttil u l-ex Champion Ewropew Alex Borg. Il-wirja tmexxiet minn Patrick Borg.