Nhar il-Ġimgħa, 5 ta’ Settembru, mit-8:00pm ’il quddiem, kien il-jum tant mistenni miż-żgħażagħ u l-appassjonati tal-festi Maltin, li offra spettaklu uniku ġewwa n-Naxxar.
Fit-8:00pm, il-Banda Peace daqqet l-ewwel noti u bidu għall-Marċ tat-Tieni Tridu, li beda minn Vjal ix-Xogħol u kompla għaddej lejn il-Pjazza, Castro, Nutar Debono, Bużjett, San Pawl, Parroċċa, Oratorju, San Ġorġ u Triq il-Kbira, sakemm temm fil-Pjazza fost il-brijju u l-entużjażmu kbir taż-żgħażagħ u l-partitarji.
Għal tmiem din il-festa ta' allegrija, l-istatwa telgħet fil-gallarija prinċipali f’armonija perfetta ta’ banda, brijju u spettaklu mill-isbaħ. Din is-serata mill-isbaħ u memorabbli ntemmet bix-xow sinkronizzat mill-Pjazza, fejn imbagħad għalaqna b'ħarqa mill-isbaħ ta' nar tal-art.
DEJJEM Żagħżugħa!
Feature li ntwera' fuq Big Screen waqt il-Marċ
L-Aqwa Mumenti Mill-Festa 2025 - Soċjetà Mużikali Peace, Naxxar