Data tal-Attivita: Il-Ħadd, 8 ta’ Settembru 2019
Waslet il-FESTA.... Nhar il-Ħadd 8 ta' Settembru, l-BANDA PEACE għal sena oħra ser terġa takkumpanja b'UNUR u PRIVILEĠĠ kbir l-istatwa artistika u devota ta' Marija Bambina. Il-Banda Peace ser tkun qiegħda ddoqq matul il-PURĊISSJONI bl-innijiet tant sbieħ u popolari man-Naxxarin. X'ħin l-istatwa tasal fil-Pjazza, l-poplu huwa mħeġġeġ jieħu sehem fil-kant tal-innijiet waqt li l-BANDA PEACE ssellem lill-Bambina bl-Ave Marija tas-Surmast Ġużeppi Fenech minn fuq il-planċier.
Nixtiequ nħeġġu lin-Naxxarin kollha sabiex jattendu għal Purċissjoni bi ħġarhom mall-Banda tagħna ħalli b'hekk nsellmu l-Patruna kbira tagħna, Marija Bambina.
O Bambina - kollok glorja,
Bħal Reġina - inberkuk,
Biex tgħannina - bil-Vittorja,
Omm ħanina - nitolbuk.
L-Innu Popolari O Tfajla Mmakulata miktub minn Mro. Ferdinando Camilleri, jindaqq mill-'Peace Band Club' u jitkanta mil-kor 'The New Choral Singers'.
L-aħħar aġġornament sar nhar: It-Tlieta, 13 ta’ Awwissu 2019