Attivitajiet li jmiss

Quddies tan-Novena - 31 ta' Awwissu

Quddies tan-Novena - 31 ta' Awwissu
Kevin Agius

Nhar it-Tnejn, 31 ta’ Awwissu fis-6:30pm, tintemm il-ġurnata f’mument ta’ tħejjija spiritwali bil-Quddiesa tan-Novena fil-Knisja Kolleġġjata għall-għaqdiet kollha involuti fil-festa.

Riċeviment Annwali - 1 ta' Settembru

Riċeviment Annwali - 1 ta' Settembru
Kevin Agius

Nhar it-Tlieta, 1 ta’ Settembru fit-20:00, is-Soċjetà Mużikali Peace tilqa’ l-mistiedna u l-membri tagħha għar-Riċeviment Annwali fil-Pjazza. Din is-serata ssir b’ringrazzjament lill-bandisti, soċji, benefatturi u mistiedna kollha tas-Soċjetà. Waqt din l-attivita' ser jiġi inawgurat monument artistiku ġdid ġewwa Palazzo Vittorja, xogħol il-bravissimu artist Naxxari, l-irħammar Abraham Bellia.

BambinaFest mit-Tfal għat-Tfal - 2 ta' Settembru

BambinaFest mit-Tfal għat-Tfal - 2 ta' Settembru
Kevin Agius

Il-Kummissjoni Żgħażagħ tas-Soċjetà Mużikali Peace Naxxar qed tistieden lit-tfal u lill-familji kollha għal edizzjoni oħra tal-BambinaFest, attività speċjali mtella’ apposta għaż-żgħar bħala parti miċ-ċelebrazzjonijiet tal-festa. har l-Erbgħa, 2 ta’ Settembru 2026, minn 5:30pm ’il quddiem, Triq l-Imran, Naxxar (ħdejn Pizza Planet, fil-pjazza tan-Naxxar) se tinbidel f’post mimli ferħ, logħob u divertiment fejn it-tfal jistgħu jqattgħu waranofsinhar memorabbli flimkien mal-familja u l-ħbieb.

Marċ Popolari tat-Tieni Jum tat-Tridu - 5 ta' Settembru

Marċ Popolari tat-Tieni Jum tat-Tridu - 5 ta' Settembru
Kevin Agius

Is-Sibt 5 ta’ Settembru 2026, fin-Naxxar il-Banda Peace qiegħda tistieden lil kulħadd għal wieħed mill-aktar appuntamenti mistennija tal-festa: il-Marċ Popolari tat-Tieni Jum tat-Tridu! Mill-8:00pm ’il quddiem, l-Banda Peace ser tkun qiegħda ddoqq madwar it-toroq Naxxarin fejn tintemm fil-Pjazza tan-Naxxar, quddiem il-Każin. Mal-wasla tal-banda fil-pjazza ser ikun hemm brijju qalbieni mill-partitarji tagħna b’atmosfera li twiegħed lejla mimlija enerġija, mużika u spettaklu.

Spettaklu ta' Nar tal-Art Mekkaniżat u Tapit Mużikali - 5 ta' Settembru

Spettaklu ta' Nar tal-Art Mekkaniżat u Tapit Mużikali - 5 ta' Settembru
Kevin Agius

L-Għaqda tan-Nar Marija Bambina Naxxar (A.D. 2012) tinsab lesta biex għall-festa titulari ta' din is-sena tferraħ lin-Naxxarin u l-partitarji kollha b'servizz u spettaklu pirotekniku mill-aqwa! Data: Is-Sibt, 05 ta' Settembru, 2026 -  Ħin: Fil-11:15 p.m. - Post: Pjazza Vittorja, in-Naxxar. Matul din is-serata se nkunu qed ingawdu ħarqa ta' nar tal-art mekkaniżat akkumpanjat mill-mużika, li tintemm bl-għeluq mill-isbaħ ta' tapit sinkronizzat mal-mużika!

Marċ Brijuż tal-Aħħar jum tat-Tridu - 6 ta' Settembru

Marċ Brijuż tal-Aħħar jum tat-Tridu - 6 ta' Settembru
Kevin Agius

Nhar il-Ħadd, 6 ta’ Settembru fit-20:00, il-Banda Peace tagħti servizz bir-rendiment tal-Marċ tal-Aħħar Tridu. Il-marċ jibda mill-Pjazza u jkompli għal Vjal il-Labour, 21 ta’ Settembru, Imraden, Imħalla, Musbieħ, Barrada, u Għenieq, qabel ma jerġa’ lura sal-Pjazza fost entużjażmu kbir. Dan is-servizz huwa rregalat mis-Soċjetà tagħna.

Programm Mużikali ta' Lejliet il-Festa - 7 ta' Settembru

Programm Mużikali ta' Lejliet il-Festa - 7 ta' Settembru
Kevin Agius

Nhar it-Tnejn 7 ta' Settembru ser jittellgħa' l-Programm Mużikali tal-Festa fl-Lejliet il-Festa. Dan il-programm straordinarju se jkun qed jittella' mill-Banda Peace mill-planċier artistiku u maestuż tagħha, proprju fil-qalba ta' Pjazza Vittorja ġewwa n-Naxxar.
...aktar Attivitajiet
OTTO Clubhouse - Sponsorship

Kont taf li ...

Kont taf li fil-15 ta' Lulju 1951, is-Soċjetà ġiet ikkonsagrata lill-Qalb Imqaddsa ta' Ġesù u Marija

Kont taf li fil-15 ta' Lulju 1951, is-Soċjetà ġiet ikkonsagrata lill-Qalb Imqaddsa ta' Ġesù u Marija
Kevin Agius

Kont taf li fil-15 ta' Lulju 1951, is-Soċjetà Mużikali Peace Naxxar ġiet uffiċjalment ikkonsagrata lill-Qalb Imqaddsa ta' Ġesù u Marija f'waħda mill-aktar ċelebrazzjonijiet reliġjużi sinifikanti fl-istorja tas-Soċjetà?

Din il-ġrajja storika kienet frott ta' deċiżjoni meħuda waqt seduta ġenerali li saret nhar il-Ħamis, 3 ta' Mejju 1951, meta l-President il-ġdid ta' dak iż-żmien, in-Nutar Joseph Spiteri, ħabbar il-ħsieb tal-kumitat li jorganizza ċelebrazzjoni reliġjuża solenni li matulha l-każin jiġi kkonsagrat lill-Qalb Imqaddsa ta' Ġesù u Marija.

Din is-sena niċċelebraw 100 sena ta' Snooker fin-Naxxar

Din is-sena niċċelebraw 100 sena ta' Snooker fin-Naxxar
Kevin Agius

Is-Soċjetà tagħna qed tiċċelebra pass storiku u importanti ħafna fl-istorja sportiva u kulturali tagħha. Kien proprju f'Ġunju tal-1926 meta ddaħħlet l-ewwel mejda tal-billiard ġewwa s-Soċjetà - bidu umli ta' sport li matul is-snin kompla jimraħ, jikber u jrabbi l-għeruq fil-komunità tagħna. Matul dan iċ-ċentinarju, il-logħba evolviet b'mod b'saħħtu, u llum il-ġurnata nistgħu niftaħru b'sala dedikata apposta tal-ogħla livell u b'attività kontinwa li żżomm dan l-isport ħaj u vibranti fost il-membri kollha tagħna.

Kont taf x'inhu l-legat tas-Surmast Ferdinando Camilleri mas-Soċjeta' tagħna?

Kont taf x'inhu l-legat tas-Surmast Ferdinando Camilleri mas-Soċjeta' tagħna?
Kevin Agius

Bħal-lum 167 sena ilu, fit-30 ta’ April 1859, twieled f’Ħal Luqa Ferdinando Camilleri, eks-Surmast Direttur tal-Banda Peace (dak iż-żmien magħrufa bħala Filarmonica La Pace). Is-sena 1917 kienet sena sinifikanti għas-Soċjetà Mużikali Peace, Naxxar. Matul ir-raba’ sena tal-Ewwel Gwerra Dinjija, is-Soċjetà mmodernizzat l-operat tagħha billi rrilokat għas-sede l-ġdida f’Palazzo Vittoria, fil-qalba tal-Pjazza tan-Naxxar. Din il-bidla fit-tmexxija u l-lokalità tat spinta ġdida lill-Banda tar-Raħal. F’Novembru tal-istess sena, wara d-direzzjoni tas-Surmast Vittorio Scerri, it-tmexxija mużikali għaddiet f’idejn is-Surmast Ferdinando Camilleri, b’salarju stabbilit ta’ 14-il xellin fix-xahar.

Minn kien Dun Anton Sciberras?

Minn kien Dun Anton Sciberras?
Kevin Agius

Bħal-lum 104 snin ilu, fit-13 t'April 1922, twieldet persuna li kellha tħalli marka li ma titħassar qatt fil-qalb tal-komunità Naxxarija: Dun Anton Sciberras. Illum infakkru mhux biss l-anniversarju minn twelidu, iżda l-legat għani ta’ qassis, poeta, u patrijott li ddedika ħajtu għall-proxxmu u għal raħal twelidu.

Il-Ġimgħa l-Kbira fin-Naxxar tmur lura għall-1749

Il-Ġimgħa l-Kbira fin-Naxxar tmur lura għall-1749
Kevin Agius

Is-Sinifikat Storiku tal-Ġimgħa l-Kbira fin-Naxxar u l-Wirt tal-Banda Peace. Il-Ġimgħa l-Kbira fin-Naxxar hija waħda mill-aktar tradizzjonijiet reliġjużi profondi u radikati f’Malta, li tgħaqqad sekli ta’ devozzjoni, arti u spirtu komunitarju. Il-purċissjoni annwali, mimlija simboliżmu u rispett, mhijiex biss osservanza spiritwali iżda wkoll wirt kulturali li ġie mħares u żviluppat tul il-ġenerazzjonijiet.
...Aqra' aktar artikli

Aħbarijiet Riċenti

Tagħlim tal-Mużika mall-Banda Peace

Għafas fuq il-buttuna t'hawn taħt sabiex tirreġistra għal tagħlim tal-mużika professjonali minngħajr ħlas.

Wara li tirreġistra, s-Soċjeta' Mużikali Peace ser tikkuntatjak fuq id-dettalji li tkun għadek kemm irreġistrajt bihom.

Ħajr lil

Segwijna fuq Facebook

Segwijna fuq Spotify

Aġġornamenti fuq il-Gallery

Kummenti Riċenti

Mill-Arkivji