Il-Pjazza tal-Vitorja, Naxxar, kienet mimlija ħajja u entużjażmu nhar il-Ħadd, 4 ta’ Mejju 2025, waqt l-“Naxxar Motor Show Exhibition.” Matul din l-attività spettakolari, li saret bejn id-9:00 a.m. u nofsinhar, in-nies gawdew esebizzjoni varjata ta’ vetturi klassiċi, moderni u modifikati, kollha mtella’ b’għożża kbira mill-parteċipanti. Nirringrazzjaw lil dawk kollha li attendew u lill-esebituri kollha li għamlu din l-esperjenza waħda li tibqa’ tiftakar.