Nhar is-Sibt, 3 ta’ Mejju 2025, fis-7:30 p.m., is-sala Marija Bambina laqgħet l-attività “Rokna Mużikali” — serata mużikali intiża biex tagħti spazju lill-istudenti u lill-mużiċisti tas-Soċjetà Mużikali Peace sabiex jesprimu u juru t-talenti tagħhom fuq livell pubbliku. Din l-inizjattiva saret b’kollaborazzjoni mal-Aġenzija Żgħażagħ u l-Għaqda Nazzjonali Każini tal-Banda. Kienet serata mimlija enerġija, passjoni u mużika ta’ livell għoli li żgur ħalliet impatt pożittiv fuq dawk preżenti.