Data tal-Attivita: It-Tlieta, 6 ta’ Jannar 2026
“Christus Natus Est” – Esibizzjoni ta’ Presepji u Arti Sagra
Il-Kappella tas-Soċjetà Mużikali Peace qiegħda tilqa’ l-esibizzjoni “Christus Natus Est”, wirja ta’ presepji u arti sagra marbuta mat-tema tal-Milied. Din l-esibizzjoni se tkun miftuħa għall-pubbliku minn nhar il-Ħadd 14 ta’ Diċembru sat-Tlieta 6 ta’ Jannar 2026.
Il-wirja toffri esperjenza spiritwali u kulturali li tfakkar it-twelid ta’ Kristu, permezz ta’ xogħlijiet artistiċi u presepji li juru d-devozzjoni u t-tradizzjoni Maltija marbuta mal-Milied.
Ħinijiet tal-ftuħ huma kif ġej:
-
Mit-Tnejn sas-Sibt, mill-5:30pm sat-8:30pm
-
Il-Ħdud u festi pubbliċi, mill-10:00am sa 12:00pm u mill-5:30pm sat-8:30pm
Il-pubbliku huwa mistieden iżur din l-esibizzjoni u jieħu sehem f’mument ta’ riflessjoni u apprezzament tal-arti sagra u tat-tradizzjonijiet tal-Milied.
L-aħħar aġġornament sar nhar: It-Tlieta, 23 ta’ Diċembru 2025