Data tal-Attivita: Il-Ġimgħa, 8 ta’ Mejju 2026
Huwa b’unur kbir li s-Soċjeta' tagħna tistieden lill-pubbliku għall-wirja speċjali ta’ arti sagra bl-isem “Gloriosæ Virginis Mariæ”. Din l-esibizzjoni qed tiġi mtellgħa f’okkażjoni storika u sinifikanti ħafna għall-komunità tagħna: it-300 sena mill-wasla tal-Vara Titulari ta’ Marija Bambina f’Naxxar.
Din il-wirja se toffri esperjenza unika fejn wieħed jista’ japprezza mill-viċin xogħlijiet ta’ arti sagra relatati mal-Bambina, f’ambjent professjonali, eleganti u dinjituz.
Dettalji tal-Avveniment
-
Post: Swali ta’ Palazzo Vittoria
-
Dati: Mis-26 ta’ April sat-8 ta’ Mejju 2026
-
Ftuħ Uffiċjali: Il-Ħadd, 26 ta’ April 2026 fis-7:00 pm
Ħinijiet tal-Ftuħ
Biex nipprovdu l-aqwa aċċessibilità għall-viżitaturi kollha, il-wirja se tkun miftuħa f'dawn il-ħinijiet:
| Jiem |
Ħinijiet |
| Kuljum |
5:30 pm – 9:00 pm |
| Ħdud u Festi Pubbliċi |
9:00 am – 12:30 pm |
| |
5:30 pm – 9:00 pm |
Gloriosae Virginis Marie - Mro. Joseph Fenech (Antifona lill-Marija Bambina tan-Naxxar)
Grazzi lit-tim qalbieni li qiegħed jaħdem f'din il-wirja b'mod speċjali lill-koordinatur tal-wirja, s-sur Anthony Deguara.
L-aħħar aġġornament sar nhar: It-Tnejn, 20 ta’ April 2026