Il-Legat tas-Surmast Ferdinando Camilleri
Anniversarju mit-Twelid
Bħal-lum 167 sena ilu, fit-30 ta’ April 1859, twieled f’Ħal Luqa Ferdinando Camilleri, eks-Surmast Direttur tal-Banda Peace (dak iż-żmien magħrufa bħala Filarmonica La Pace).
Il-Bidu ta’ Era Ġdida
Is-sena 1917 kienet sena sinifikanti għas-Soċjetà Mużikali Peace, Naxxar. Matul ir-raba’ sena tal-Ewwel Gwerra Dinjija, is-Soċjetà mmodernizzat l-operat tagħha billi rrilokat għas-sede l-ġdida f’Palazzo Vittoria, fil-qalba tal-Pjazza tan-Naxxar. Din il-bidla fit-tmexxija u l-lokalità tat spinta ġdida lill-Banda tar-Raħal. F’Novembru tal-istess sena, wara d-direzzjoni tas-Surmast Vittorio Scerri, it-tmexxija mużikali għaddiet f’idejn is-Surmast Ferdinando Camilleri, b’salarju stabbilit ta’ 14-il xellin fix-xahar.
Patrimonju Mużikali
Is-Surmast Camilleri ħalla marka kitba u indimentikabbli fuq l-istorja tas-Soċjetà. Il-kontribuzzjoni tiegħu tinkludi varjetà wiesgħa ta’ kompożizzjonijiet, fosthom:
-
Innijiet lil Marija Bambina: Dawn l-innijiet indaqqu u tkantaw għall-ewwel darba fil-festa tal-1919 u għadhom parti integrali miċ-ċelebrazzjonijiet tagħna sal-lum.
-
Sinfonija "La Pace": Biċċa xogħol mużikali li tagħti ġieħ lill-isem tas-Soċjetà.
-
Marċi Funebri: Kompożizzjonijiet solenni li jiffurmaw parti mill-patrimonju mużikali tal-każin.
Is-Surmast Camilleri baqa’ fit-tmun tal-Banda La Pace sal-1922, perjodu li matulu kkonsolida l-livell mużikali tas-soċjetà u saħħaħ il-wirt kulturali tan-Naxxar.
O'Tfajla Mmakulata - Innu miktub lill-Marija Bambina tan-Naxxar minn Mro.Ferdinando Camilleri
L-aħħar aġġornament sar nhar: It-Tnejn, 4 ta’ Mejju 2026