Soċjeta' Mużikali Peace Naxxar

Il-President Marlon Brincat u l-Kumitat, flimkien mal-Kummissjonijiet tas-Soċjetà Mużikali Peace tan-Naxxar, jawguraw Milied mill-aktar ħieni u sena ġdida mimlija Paċi u Risq. The President, Committee and Commissions of the Peace Band Club of Naxxar, wish you all a Merry Christmas and a Happy New Year full of Peace and Joyfulness.

Il-Kumitat jixtieq iħabbar it-tielet ingaġġ fl-iskola tal-mużika tas-Soċjetà Mużikali Peace, Naxxar. Mro. Vincent Farrugia ser ikun qed jibda l-ħidma tiegħu fl-irwol ta’ għalliem għas-sezzjoni tar-ram. Nixtiequ nirringrazzjaw lil Mro. Reno Cassar tas-servizz tiegħu matul din l-aħħar sena.

Hekk kif il-ħidma tal-President Marlon Brincat flimkien mal-Kumitat bdiet b’ritmu tajjeb ferm u b’diversi laqgħat, waqt is-Seduta ta’ nhar it-Tnejn 2 ta' Diċembru ngħataw lir-rwoli lill-membri l-ġodda. Nawguraw lil kull membru fil-Kumitat aktar ħidma b’risq is-Soċjetà Mużikali Peace, Naxxar.

Huwa ta’ pjaċir li nħabbru ingaġġ ieħor fi ħdan l-iskola tal-mużika tagħna. Il-Kumitat jixtieq iħabbar li mil-lum, Maris Micallef se tkun qed tieħu lir-rwol ta' Għalliema fit-teorija tal-mużika u solveġġ. Maris bdiet titgħallem il-Klarinett minn età żgħira taħt id-direzzjoni ta’ Mro. Lino Pirotta mas-Soċjetà Mużikali Peace. Hija ħadet it-tgħallim bis-serjetà tant li kienet għamlet diversi eżamijiet tal-London College fejn kienet kisbet ukoll Diploma. Hija kellha diversi opportunitajiet mal-Banda Peace fosthom bħala solista f’diversi kunċerti.

Il-Kumitat jixtieq iħabbar li mil-lum, Mro. Michael Pirotta se jkun qed jieħu lir-rwol ta' Assistent Surmast tal-Banda Peace kif ukoll għalliem tas-sezzjoni tal-qasba. Michael Pirotta huwa wild Naxxari u beda l-karriera mużikali tiegħu bħala klarinettista ġewwa s-Soċjetà Mużikali Peace, Naxxar. Minn età żgħira, Michael irnexxielu jikseb bosta diplomi minn diversi kulleġġi Brittaniċi u ta kunċerti, kemm bħala solista u anke dik ‘da camera’ għal diversi snin. Michael huwa rebbieħ ta’ żewġ kompetizzjonijiet Nazzjonali organizzati mis-Soċjetà Maltija tal-Arti, Manifattura u Kummerċ u ħadem ma’ diversi diretturi professjonali.