Soċjeta' Mużikali Peace Naxxar

Minn nhar il-Ħadd, 6 ta' Diċembru, l-membri tal-Kumitat Ċentrali ser ikunu qiegħdin f'OTTO Clubhouse sabiex tkunu tistaw tirreġistraw bħala Soċji għas sena 2021. Għalhekk inħeġġukom sabiex minn nhar il-Ħadd 6 ta' Diċembru l-quddiem taslu wasla sa' OTTO Clubhouse sabiex iġġeddu t-tessera tagħkom jew tissieħbu għal ewwel darba mal-ewwel banda Naxxarijja.

Il-membri tal-Kummissjoni Żgħażagħ fi ħdan is-Soċjeta' għal sena oħra ser ikunu qiegħdin ibiegħu l-larinġ ta' Malta kull nhar ta' Ħadd mis-7:00am 'l quddiem minn ġol-każin. Għal ordnijiet tistaw tikkuntatjaw lis-sur Christian Zammit fuq 7922 1224.

Dan il-Milied, ordna l-Poinsettia tiegħek mis-Soċjeta' Mużikali Peace u tkun qiegħed tgħin biex is-Soċjeta' tkompli twettaq proġetti ġodda u tkompli tkabbar il-kwalita fit-tagħlim tal-mużika b'xejn. Grazzi

Ix-xahar t'Ottubru beda' u għal ħafna devoti tal-Madonna, x-xahar ta' Ottubru huwa dejjem wieħed speċjali għaliex huwa x-xahar ddedikat lill-Madonna tar-Rużarju. Għalhekk, huma bosta nies li matul ix-xahar t'Ottubru jagħżlu li jesprimu d-devozjoni Marjana tagħhom permezz tat-talba tar-Rużarju.

Il-Kummissjoni Żgħażagħ tixtieq tinforma lil dawk iż-żgħażagħ kollha bejn is-sittax u l-ħamsa u tletin sena sabiex jissieħbu f'din il-familja żagħżugħa tal-Kummissjoni Żgħażagħ. Nixtiequ ninfurmawkhom lis-Soċjeta' qiegħda tfittex żgħażagħ minn oqsma differenti sabiex jingħaqdu magħna ħalli llkoll flimkien nagħtu l-kontribut lill-Kummissjoni f'diversi attivitajiet u proġetti li ser isiru matul din is-sena. Is-Soċjeta' bħalissa qiegħda tilqa' l-applikazzjonijiet ta' dawk iż-żgħażagħ kollha li huma nteressati.

Il-Festa għaddiet bħal leħħa ta' berqa! Għalkemm din is-sena, faqqet din il-pandemijja globali, s-Soċjeta' tagħna xorta għamlet milli tista sabiex torganizza Festa virtwali billi organizzat sensiela ta' ħames xandiriet diretti bl-isem Bandiera Blu.