Soċjeta' Mużikali Peace Naxxar

Il-Kummissjoni Żgħażagħ fi ħdan is-Soċjeta' Mużikali Peace jixtiequ jinfurmaw lil pubbliku li fl-għeluq il-25 mit-twaqqif tal-Kummissjoni Żgħażagħ ser jiġu mnieda affarijiet ġodda għal bejgħ. Il-Kummissjoni ser tkun qiegħda tbiegħ sett ta' arloġġi ġodda mill-membri tal-Kummissjoni Żgħażagħ.

Bi pjaċir inħabbru proġett ieħor li ħa jibda fil-ġimgħat li ġejjien. Il-Proġett jikkonsisti f'xiri ta' tagħmir u prodotti sabiex is-swali kollha tal-każin u l-kmamar fejn isir it-tagħlim tal-mużika jkunu siguri u ta' l-għola livell għas-saħħa u s-sigurtà. 

Il-President u l-Kumitat, flimkien mal-Kummissjonijiet tas-Soċjeta' Mużikali Peace tan-Naxxar, jawguraw Milied mill-aktar ħieni u sena ġdida mimlija Paċi u Risq.

B'sogħba u dispjaċir kbir is-sena 2019 ser tagħlaq fuq nota kerha dan għaliex ftit tal-minuti ilu ħalliena l-Qassis Naxxari, Dun Karm Catania. Il-President, is-Segretarju u l-Kumitat Ċentrali flimkien mall-membri kollha tal-Kummissjonijiet fi ħdan is-Soċjeta' jagħtu l-kondoljanzi sinċieri lill-familja Catania f'dan il-mument diffiċli.

Kartolini tal-Milied tas-Soċjeta' jinsabu għal bejgħ mill-każin. Ibagħtu ix-xewqat lil għeżież tagħkom permezz ta’ dawn il-kartolini bil-kwadru titulari ferm sabiħ tal-Kappella tas-Soċjetà.