Jiem impenjati ferm għas-Soċjetà tagħna hekk kif wara diversi xhur ta’ tħejjija, matul tmiem il-ġimgħa beda x-xogħol infrastrutturali fl-intrata u t-taraġ prinċipali ta’ Palazzo Vittoria - Naxxar.
Ix-xogħol kien jikkonsisti billi tneħħew il-lapidi tal-irħam minn mal-ħitan, linef u ornamenti dekorattivi oħra kif ukoll inqalgħet l-art kollha. Fil-jiem li ġejjin se jkun qed jinqalgħu wkoll il-poġġaman tal-ħadid tat-taraġ u l-kanċell tal-kantina sabiex ikun jista’ jibda x-xogħol ta’ restawr fuqhom ukoll.
L-aħħar aġġornament sar nhar: It-Tnejn, 3 ta’ April 2023