Soċjeta' Mużikali Peace Naxxar

F'isem il-Kumitat u l-Kummissjonijiet tas-Soċjeta' Mużikali Peace, nawguraw il-Festa t-Tajba lill-kulħadd b'mod speċjali lin-Naxxarin u partitarji tal-Banda Peace! Awguri!

Matul il-lejl ta' bejn is-6 u s-7 ta' Settembru, grupp sabiħ ta' voluntiera nngħaqdu llkoll flimkien sabiex il-planċier maestuż tas-Soċjeta' seta jintrama. Dan huwa xogħol mprezzabli fejn dawn il-voluntiera kollha taw il-kontribut tagħhom matul lejl impenjattiv fejn ġie nvellat u mqiegeħed il-planċier. Grazzi! 

Inħeġġu lin-Naxxarin speċjalment lill-partitarji tas-Soċjeta' Mużikali Peace sabiex iżejnu d-djar tagħhom għaż-żmien tal-Festa bil-kulur tal-Madonna, l-kulur blu.

Grazzi lil numru sabiħ ta' voluntiera tas-Soċjetà li lbieraħ filgħaxija għal sena oħra ramaw il-faċċata tal-festa unika li tkompli ssebbaħ is-sede u l-pjazza f'dawn il-ġranet tal-Festa.

BI ĦĠARNA.

Dalgħodu l-President u s-Segretarju tas-Soċjetà attendew għall-attività annwali organizzata mill-Kunsill Lokali fejn l-għaqdiet kollha tan-Naxxar jiltaqgħu u joffru donazzjonijiet b'risq il-MCCF.

F'din l-okkażjoni l-President Edward Azzopardi ppreżenta wkoll lill-Eċċellenza President ta' Malta Myriam Spiteri Debono ktieb tal-festa b'messaġġ ta' introduzzjoni mill-Eċċellenza innifisha.