Soċjeta' Mużikali Peace Naxxar

Ilum 9 ta' Mejju huwa Jum l-Ewropa 

70 Sena ilu f'Pariġi, Robert Schuman għamel diskors fejn stabbilixxa l-ħsieb u l-viżjoni tiegħu għall-Ewropa magħquda mingħajr gwerrer u b'suq wieħed.

Il-Banda llum preparat l-Innu Ewropej ta' Beethoven b'mod virtwali.

Jum is-Soċjetà Mużikali Peace 🔹 L-Ewwel ta' Mejju. Uħud mill-bandisti tagħna flimkien mas-Surmast, l-Assistent u l-għalliem li ngħaqdu flimkien sabiex b'mod individwali jdoqqu s-silta 'Conquest of Paradise' u bil-filmati kollha maqgħudin flimkien ħareġ dan ir-riżultat ferm sabiħ.

Ngħelbu l-Biża' - Messaġġ ta' Kuraġġ (Covid-19)

Flimkien niġġieldu din il-gwerra...Flimkien niċċelebraw il-VITTORJA!

Kummissjoni Żgħażagħ Peace Band Club, Naxxar

Għeżież Soċji, Qegħdin fi żminijiet tassew diffiċli u qed jiġi mitlub minna biex nagħmlu sagrifiċċji mhux żgħar. Biex titwaqqaf din il-marda tal-COVID-19, li f’bosta pajjiżi diġà ħalliet ħafna vittmi, il-gvern ħa diversi miżuri li lilna bħala każin tal-banda, laqtuna direttament. Mhux biss ma nistgħux niltaqgħu flimkien fil-Każin kif mdorrijin nagħmlu ta’ kuljum, imma twaqqfu t-tagħlim tal-mużika u l-kunċerti, ġiet imħassra kemm-il attività, inkluż dawk tal-Ġimgħa Mqaddsa u l-Irxoxt, u issa anke l-Festi. Din hija daqqa ta’ ħarta għalina d-dilettanti għax ma nistgħux niċċelebraw Festa kbira lil Marija Bambina kif għandu jkun. Kellna wkoll infakkru l-25 anniversarju tal-Kummissjoni Żgħażagħ u l-200 sena mit-twelid tal-President Fundatur Vincenzo Bugeja.

Avviż Importanti: Hekk kif tħabbar il-bieraħ 16 ta' Marzu mill-gvern biex jitwaqqaf it-tixrid tal-COVID-19, b'effett mill-lum nofs il-lejl ser jingħalqu fost l-oħrajn bars, każini u stabbilimenti oħra soċjali u ta' divertiment.

Għalhekk, il-Kumitat javża li sakemm jinħarġu direttivi ġodda, il-Każin u OTTO Clubhouse ser ikunu magħluqin minn għada nhar l-Erbgħa, 18 ta' Marzu 2020.

Filwaqt li nirringrazzjawkom tal-attenzjoni, nappellaw għar-responsabilita' u l-kawtela u sabiex tikkooperaw mal-awtoritajiet tas-saħħa.

Marija Bambina ħarisna.

AVVIŻ IMPORTANTI: Fis-sitwazzjoni preżenti konnessa mal-COVID-19, il-Kumitat javża li sakemm jinħarġu direttivi ġodda, ħa jittieħdu dawn il-miżuri: ▪ B’effett mill-lum ħa jitwaqqfu t-tagħlim tal-mużika u l-kunċerti kollha tal-banda.