Soċjeta' Mużikali Peace Naxxar

Il-President u l-Kumitat tas-Soċjetà Mużikali Peace tan-Naxxar, jikkundannaw l-att irresponsabbli li sar dalgħodu kmieni, fejn intwaddbu ammont kbir ta’ karti mimlija nsulti kontra s-Soċjetà u l-Membri tagħna. 

F'isem il-membri tal-Kumitat Ċentrali u l-Kummissjonijiet tas-Soċjeta' Mużikali Peace, nixtiequ nawguraw l-Għid it-Tajjeb lil kullħadd speċjalment lil kommunita' Naxxarijja kollha b'mod speċjali lis-soċji, membri, bandisti, aljievi, għalliema, u surmastrijiet ta' din is-Soċjeta'. 

Nixtiequ nfakkrukhom li l-banda Peace b'unur u privileġġ kbir ser tkun qiegħda tagħti s-sehem tagħha matul il-puriċissjoni ta' Kristu Rxoxt.

Nixtiequ bi pjaċir kbir nħabru lid-Direttur Spiritwali ġdid tas-Soċjeta' Mużikali Peace huwa Mons. Richard Borg B.A. Lic. D. 

Nhar is-27 ta Jannar, 2018, permezz ta’ digriet ta’ Mons Arċisqof Charles J Scicluna, DUN RICHARD BORG ġie maħtur Monsinjur Onorarju tal-Kapitlu tal-Katidral tal-Imdina. Iċ-ċerimonja tal-investitura tiegħu bħala Monsjinjur, saret nhar il-Ħadd, 28 ta’ Jannar, fil-Katidral tal-Imdina, mill-E.T Mons Arċisqof Charles J Scicluna. Mons. Richard Borg huwa l-awtur tal-lirika tal-Cantata ‘L-Għanja tal-Paċi’ (2012) u tal-Innu Marċ ‘Lill-Bambina Sultana tal-Paċi’ (2017). Ingħata l-ġieħ ta' Membru Onorarju tas-Soċjetà tagħna nhar is-7 ta’ Settembru, 2014.

Minn qalbna nifirħulu u nawgurawlu AD MULTOS ANNOS!

Tissokta l-ħidma mill-Kummissjoni Banda fl-Arkivju tas-Soċjetà, fejn qed tinstab mużika storika u ta’ valur kbir, kompożizzjonijiet ta’ Surmastrijiet magħrufa. Riċentament għadhom kif instabu sett valzi ta’ Mro.Antonio Miruzzi (1867 – 1944). Miruzzi twieled il-Furjana u għex u miet il-Ħamrun. Kellu ħafna minn xogħlijietu li ġew ippremjati f’konkorsi internazzjonali u saħansitra ġew ippubblikati.

Għeżież, Insellmilkom u nilqagħkom f’dan is-sit elettroniku tas-Soċjetà Mużikali Peace tan-Naxxar. Kemm ilu jiffunzjona, dan is-sit kien il-vuċi tal-Kumitat u l-Kummissjonijiet fi ħdan is-Soċjetà tagħna. Soċjetà antika, ta’ aktar minn seklu u nofs ta’ storja u tradizzjonijiet, li iżda tagħmel użu minn mezzi moderni ta’ komunikazzjoni u soċjali. Apparti nippromwovu dak kollu li jiġi mħejji għalikom, dan is-sit iservi wkoll ta’ arkivju ta’ eluf ta’ ritratti u filmati ta’ dak kollu li jiġi organizzat regolarment.

Nhar il-Ħadd, 31 ta' Marzu ġiet organizzata attivita' mill-Kummissjoni Żgħażagħ tas-Soċjeta' Mużikali Peace b'kollaborazjoni mall-Kunsill Lokali tan-Naxxar. Fl-10:00 ltqajna llkoll flimkien fejn il-Kappella ta' San Ġakbu (ex-Trade Fair grounds); wara saret dimostrazzjoni ta' annimali domestiċi u bhejjem sal-pjazza fejn sar it-tberik mill-Arċipriet Dun David Gauci. Nixtiequ nirrangrazjaw lis-Sindku AnnMarie Muscat Fenech Adami tal-kontribut tagħha f'din l-attivita u lill-Arċipriet Dun David Gauci tas-sehem tiegħu f'din l-attivita'. Din id-dimonstrazzjoni ġiet akkumpanjata minn-Naxxar Scouts Group. Wara t-tberik, fil-Pjazza kien hemm wirjiet mill-klieb tad-Dwana u mill-klieb u żwiemel tal-Puluzija. Wara din l-attivita' ngħatat tifkira sabiħa lil kull parteċipant.