Soċjeta' Mużikali Peace Naxxar

Clifford Galea minn kamra tal-aħbarijiet lokali, għadu kif għamel taħriġ ġurnalistiku fl-aġenzija tal-aħbarijiet internazzjonali SPUNTIK f’Moska fir-Russja. Dan huwa proġett b’kollaborazzjoni ma’ Aġenzija Żgħażagħ fejn ġurnalisti minn madwar id-dinja jiltaqgħu biex jitħarġu, jaqsmu l-esperjenzi u jiddiskutu tekniki differenti li bihom ġurnalist iwassal l-istorja kif tiġri lill-qarrejja permezz tas-siti soċjali u midja fil-pajjiżi rispettivi.

Is-Soċjeta' Mużikali Peace tifraħ lill-bandista Maris Micallef li ġħaddiet mill-eżami tal-dipLcm Clarinet Performance u ġabet id-diploma fil-mużika. Maris ilha ddoqq għal bosta żmien il-klarinett mal-banda tagħna u studjat u tgħalmet il-mużika mas-surmast tal-banda tagħna, Mro. Lino Pirotta. Maris ħadet sehem f'bosta Programmi Mużikali kif ukoll kellha ċ-ċans li ddoqq diversi 'Solos' mall-banda tagħna.

Nhar it-Tnejn 15 ta' Ottubru waqt seduta tal-Kumitat is-sur Wayne Formosa, b'vot unanimu mill-membri kollha tal-Kumitat Ċentrali, ġie maħtur membru bl-irwol ta koordinatur 'Events & Social Responisbility'.Wayne għandu 21 sena u ilu jiffrekwenta s-Soċjeta' minn eta' żgħira.

Diġa għaddiet ġimgħa minn mindu l-Kummissjoni Żgħażagħ fi ħdan is-Soċjeta' Mużikali Peace flimkien mal-artist u disinjatur tal-faċċata s-sur Edward Azzopardi ġew premjati mill-Malta Records għall-akbar ammont ta' disinji maqtugħin fl-injam fuq faċċata ta' każin b'ammont ta' 788 disinn fl-injam. Id-disinn tal-faċċata l-ġdida li ġiet inawgurata għall-ewwel darba fil-pjazza nhar it-Tnejn 3 ta' Settembru 2018, irrekjediet bosta xogħol, ħin u dedikazzjoni minn ħafna partitarji tas-Soċjeta' tagħna.

Illum nixtiequ naqsmu magħkom kanzunetta ġdida li ħarġet ftit tal-jiem ilu mingħand seħibna, Lulu. Għal dawk kollha li ma jafux minnhu , Lulu huwa l-ħabib tagħna u n-Naxxari Luke Agius li għamel żmien twil jifrekwenta s-Soċjeta' tagħna. Luke jifforma parti mid-duo Xarulu' li ninsab ċert li xi darba jew oħra smajtu diġa xi kanzunetta minn tagħhom għaliex illum il-ġurnata saru popolari fil-gżejjer Maltin. Sfortunatament f'Ottubru tas-sena li għaddiet, Luke flimkien ma ħutu Matthew u Karen tilfu lill-ommhom. Is-sinjura qatt minnsija Tanya Agius kienet membru f'din is-Soċjeta' u kienet tattendi bi ħġarha l-attivitajiet tagħna.

Is-Soċjeta' Mużikali Peace tawgura lill-Għaqda tan-Nar Marija Bambina Naxxar li ser tkun qiegħda taħraq il-logħob tan-nar tal-ajru matul il-jum kollhu tat-8 ta' Settembru.