Soċjeta' Mużikali Peace Naxxar

Il-Kumitat u l-Kummissjonijiet tas-Soċjeta' jirringrazjaw lill-bandisti, voluntiera, membri, soċji, benefatturi, partitarji u ħbieb tas-Soċjeta tal-kontribut tagħhom matul il-Festa ta' Marija Bambina fejn għal sena oħra għamilna Festa xierqa lill-Ommna Marija Bambina fejn ftaħna l-Festa bil-Ħruġ minn-Niċċa u għalaqna l-Festa bil-purċissjoni bl-akkumpanjament tal-ewwel banda Naxxarija, l-Banda Peace. Grazzi wkoll tmur lill-sħabna tal-Għaqda tan-Nar Marija Bambina, Naxxar fejn ssebħu s-smewwiet bl-arti tagħhom u tax-xows pirottekniċi fejn taw spettaklu sħiħ u sabiħ matul il-Festa tagħna.

F'isem il-Kumitat u l-Kummissjonijiet tas-Soċjeta' Mużikali Peace, nawguraw il-Festa t-Tajba lill-kulħadd b'mod speċjali lin-Naxxarin u partitarji tal-Banda Peace! Awguri!

Matul il-lejl ta' bejn is-6 u s-7 ta' Settembru, grupp sabiħ ta' voluntiera nngħaqdu llkoll flimkien sabiex il-planċier maestuż tas-Soċjeta' seta jintrama. Dan huwa xogħol mprezzabli fejn dawn il-voluntiera kollha taw il-kontribut tagħhom matul lejl impenjattiv fejn ġie nvellat u mqiegeħed il-planċier. Grazzi! 

Inħeġġu lin-Naxxarin speċjalment lill-partitarji tas-Soċjeta' Mużikali Peace sabiex iżejnu d-djar tagħhom għaż-żmien tal-Festa bil-kulur tal-Madonna, l-kulur blu.

Grazzi lil numru sabiħ ta' voluntiera tas-Soċjetà li lbieraħ filgħaxija għal sena oħra ramaw il-faċċata tal-festa unika li tkompli ssebbaħ is-sede u l-pjazza f'dawn il-ġranet tal-Festa.

BI ĦĠARNA.