Soċjetà Mużikali Peace Naxxar

Illum is-Sibt 15 ta' Lulju jaħbat propju t-Tieni Sibt tal-Festa għażiża tagħna ta' ommna Marija Bambina. Illum iddeċidejna li niħduwkom daqxejn fil-passat qarib fl-1954 meta ġie nnawgurat għal ewwel darba l-planċier maestuż tas-Soċjeta' li huwa l-ewwel u l-unika planċier ġewwa r-raħal tan-Naxxar.

Nhar il-Gimgha 7 ta' Lulju fit-8:30pm instemaw l-ewwel noti tal-Festa ta' Marija Bambina. Illum 8 ta' Lulju, ninsabu propju fl-Ewwel Sibt tal-Festa, fejn għalkemm ħafna mill-preparamenti tal-Festa jkunu ilhom diġa jiġu ddiskussi u x-xogħol fuq il-Festa jkun ilu li beda ġmielu, minn issa sal-Festa bosta xogħol ta' armar u preparamenti jibdew isiru kemm fil-każin kif ukoll fit-toroq Naxxarin.

F'isem il-Kumitat u Kummissjonijiet ta' din is-Socjeta', nixtiequ minn qalbna nawguraw lit-tfajjel bravu Gianluca Cilia ta' 9 snin li rebah il-Malta Junior Eurovision u ha jkun qieghed jirraprezenta lil Malta fil-Giorga f'Novembru tas-sena 2017. Nixtiequ nfakkrukhom li Gianluca f'Novembru tas-sena 2015 kien ha sehem ghal l-ewwel darba fil-"The Peace Band Youths in Concert" li kien sar fl-Oratorju tan-Naxxar fejn kien ta' success kbir u ntlaqa tajjeb hafna mal pubbliku prezenti.

F'isem il-Kumitat u l-Kummissjonijiet ta' din is-Soċjeta' nixtiequ nieħdu l-opportunita' sabiex l-ewwelnett nirringrazjaw minn qalbna lil Dr. Maria Deguara tax-xogħol siewi li għamlet matul dawn l-aħħar snin. Dr.Maria Deguara kienet ikkontestat għal ewwel darba fl-elezzjoni tal-Kunsilli Lokali fis-sena 2000 fejn minn dakinhar Dr.Deguara reġgħet ġiet eletta fis-snin 2003, 2006 u 2009. Minnhawnhekk nixtiequ nerġaw nirringrazjawk tal-ġid kollhu li għamilt fir-raħal għażiż tagħna u għal kontribut li dejjem tgħajt b'qalbek kollha lis-Soċjeta' tagħna.

Nhar is-Sibt 2 ta' Ġunju, n-Naxxarija Elaine Genovese rebħet żewġ medalji tal-bronż u oħra tal-fidda fit-Tennis waqt il-logħob tal-pajjiżi ż-żgħar ġewwa San Marino. Genovese lgħabet flimkien ma Francesca Curmi fil-logħba tad-doubles fejn żewġ kompetituri jilgħabu kontra tnejn oħra fl-istess logħba.

Bħalissa kif forsi tafu qiegħdin jintlagħbu l-Logħob għall-Pajjiżi ż-Żgħar tal-Ewropa ġewwa San Marino. Fost il-kontinġent Malti, kien hemm it-tiratur Naxxari Gianluca Chetcuti fejn in-Naxxarin isibuħ bħala t-tifel ta' 'Qaxqax'. Gianluca rebaħ il-midalja tad-deheb fid-double trap.