Soċjeta' Mużikali Peace Naxxar

Il-Kumitat Ċentrali jixtieq jinfurmakhom li kull nhar ta' Ħadd filgħodu f'OTTO Clubhouse ser tkun għaddejja r-reġistrazzjoni tas-Soċji 2024. Kull minn jixtieq jissieħeb mal-Ewwel Banda Naxxarijja jista jagħmel dan għal €15 fis-sena. Grazzi!

Fil-jiem li għaddew il-Kummissjoni Żgħażagħ għaddiet id-donazzjoni miġbura waqt il-Pink October Bake Sale b'risq Action For Breast Cancer Foundation Malta. Nirringrazzjawhom tal-ħidma tagħhom.

Larinġ ta' Malta. Għall-bejgħ minn quddiem il-każin kull nhar ta' Ħadd filgħodu. Inħeġġukom sabiex magħkom iġibu basktijiet tad-drapp jew kontenituri reċiklabbli.

B'sogħba kbira nħabbru t-telfa ta' ħuna Ramond Muscat magħruf fostna Ramond in-Naw, li għadda għal ħajja ta' dejjem nhar it-8 ta' Diċembru 2023. Illum tlifna voluntier kbir b'qalb kbira fil-qasam tal-piroteknika li ħabb u ħadem minn qalbu tul dawn l-aħħar snin. Aħna nirringrazzjawk ta' Kollox Ray, il-ħidma u l-karattru speċjali tiegħek m'hu se jintesew qatt speċjalment fil-jiem tal-festa. Meta' kulħadd kien ikun stressat, inti dejjem kont tqawwi qalb kulħadd li se naslu u fis-silenzju wettaqt ħidma kollettiva flimkien ma' sħabek.