Nhar l-Erbgħa 25 ta' Awwissu filgħaxija kellna l-pjaċir nilqgħu għall-ewwel darba f’Palazzo Vittoria l-Ambaxxatur Malti għas-Santa Sede Frank Zammit, kif ukoll lill-Ministru għat-Turiżmu Clayton Bartolo fejn għamel preżentazzjoni ta’ kotba sabiex jiżdiedu mal-kollezzjoni fil-librerija li għadna fis-Sala tal-Kumitat.
Il-Kotba jinkludu d-disa’ volumi ta’ ‘Ilwien Il-Festi Maltin’ ta’ Mark Micallef Perconte u Andrew Borg kif ukoll il-kotba kollha ppublikati minn Paul Catania fuq in-Naxxar.
Il-Ministru Clayton Bartolo rregala wkoll il-ktieb ‘Faith, Tradition, Glory – Religious Tourism Elements in Malta’ editjat minn Joseph Fava u Frank Zammit. Dan il-Ktieb huwa ppublikat b’mod esklussiv mill-Ministeru għat-Turiżmu.