Nhar il-Ħadd 5 ta' Settembru, ittellgħa' l-Ewwel Programm għat-Tieni sena konsekuttiva 'Bandiera Blu'. Matul l-ewwel programm Bandiera Blu li għal sena oħra ġie mxandar fuq Facebook LIVE, il-Kummissjoni Żgħażagħ Peace nedgħew arma diġitali ġdida. Din l-arma hija parti mit-tiġdid li qed isir, arma aktar moderna u li tirrifletti żminijietna fejn ħa tkun qed tiġi użata f’bosta attivitajiet li l-istess kummissjoni torganizza. Din is-sena l-Programm qiegħed jiġi preżentat mill-preżentatur Clifford Galea Vella Maslennikov flimkien ma' Maria Fenech fejn qiegħda twaslilna l-messaġġi li nkunu qiegħdin nirċievu LIVE waqt il-programm.
Waqt l-ewwel programm kelna wkoll bosta ntervisti nteressanti fosthom:
mat-Teżorir tal-Għaqda Każini tal-Baned, is-sur Chris Briffa,
mas-Surmast Onorarju Karl Fiorini,
mac-Chair Person tal-Kummissjoni Żgħażagħ Gayle Chetcuti,
mal-'Media officer' tal-Kummissjoni Żgħażagħ u membru fil-Kumitat Eżekuttiv, Matthias Frendo,
mal-membri attivi tal-Kummissjoni Żgħażagħ - Dylan Camilleri, Maria Fenech u Ilena Agius,
ma' ex-membri tal-Kummissjoni Żgħażagħ, Kevin Grech u Kevin Agius u fl-aħħar u mhux lanqas,
maċ-ċkejken partitarju tas-Soċjeta', Matthias.
Infakkrukom li jekk tagħmlu LIKE u COMMENT waqt ix-xandira diretta tidħlu biċ-ċans li tirbħu momentos u xi rigali oħra mogħtija mill-isponsors tal-programm.
Diretta: L-Ewwel Programm ta' Bandiera Blu 2021
Għafas dan il-link jekk il-filmat t'hawn taħt ma jidirx sabiex terġa ssegwi l-ewwel programm ta' Bandiera Blu.