Soċjeta' Mużikali Peace Naxxar

Larinġ ta' Malta. Għall-bejgħ minn quddiem il-każin kull nhar ta' Ħadd filgħodu. Inħeġġukom sabiex magħkom iġibu basktijiet tad-drapp jew kontenituri reċiklabbli.

B'sogħba kbira nħabbru t-telfa ta' ħuna Ramond Muscat magħruf fostna Ramond in-Naw, li għadda għal ħajja ta' dejjem nhar it-8 ta' Diċembru 2023. Illum tlifna voluntier kbir b'qalb kbira fil-qasam tal-piroteknika li ħabb u ħadem minn qalbu tul dawn l-aħħar snin. Aħna nirringrazzjawk ta' Kollox Ray, il-ħidma u l-karattru speċjali tiegħek m'hu se jintesew qatt speċjalment fil-jiem tal-festa. Meta' kulħadd kien ikun stressat, inti dejjem kont tqawwi qalb kulħadd li se naslu u fis-silenzju wettaqt ħidma kollettiva flimkien ma' sħabek.

Nhar il-Ħadd 5 ta' Novembru, tqegħdet kuruna tal-fjuri fiċ-Ċimiterju tan-Naxxar b'tifkira tas-Soċji, Bandisti u Benefatturi tas-Soċjetà Mużikali Peace, Naxxar li ħallew din id-dinja qabilna. Il-Kumitat, Bandisti u l-Membri jsellmu u jfakkru fil-membri kollha li ħadmu fi ħdan is-Soċjeta' Mużikali Peace u dawk kollha li ħadmu b'risq il-Festa ta' Marija Bambina. 

Bi paċir inħabbru li Mro. Reno Cassar inħatar bħala Assistent Surmast u Għalliem tas-Sezzjoni Ram tal-Banda Peace, tan-Naxxar. Mro. Cassar huwa minn Ħal-Qormi u huwa wieħed mill-aqwa mużiċisti tat-trumbetta f’pajjiżna...

Il-Kummissjoni Żgħażagħ qiegħdin jiġbru l-ordnijiet tal-għadam tal-lewż taċ-ċikkulata jew tal-ġelu. Kull minn huwa nteresat huwa ġentilment mitlub jibbukja minn OTTO Clubhouse jew mal-membri tal-Kummissjoni Żgħażagħ. Tistgħu wkoll tagħmlu kuntatt dirett ma' Matthias fuq 9971 2956.