Soċjeta' Mużikali Peace Naxxar

Illum is-Sibt 27 ta' Lulju jaħbat propju r-Raba' Sibt tal-Festa għażiża tagħna ta' Ommna Marija.Dan is-Sibt ser niddedikah għal 10 snin anniversarju mit-twaqqif ta' dan is-sit eletroniku u l-bidu tal-użu tal-midja soċjali f'din is-Soċjeta'. Għadni niftakar qisu l-bieraħ meta kont ġejt avviċinat mill-Kumitat Ċentrali, dak iż-żmien taħt it-tmexijja tal-President is-Sur Carm Grech u s-Segretarju s-Sur Walter Amato, sabiex nieħu f’idejja l-proġett li għall-ewwel darba kellu jagħti preżenza fuq l-internet lis-Soċjeta’ Mużikali Peace.

Illum is-Sibt 20 ta' Lulju qiegħdin niċċelebraw it-Tielet Sibt tal-Festa għażiża tagħna ta' Ommna Marija Bambina. F'dan is-Sibt iddeċidejt li naqsam magħkom poeżija ħelwa miktuba minnha lill-għażiża Ommna Marija Bambina bl-isem, Lill-Bambina taċ-Ċkejknin.

Illum is-Sibt 13 ta' Lulju qiegħdin niċċelebraw it-Tieni Sibt tal-Festa għażiża tagħna ta' Ommna Marija Bambina. Għal dan is-Sibt ħassejt il-ħtieġa li naqsam magħkom ftit informazzjoni fuq il-Planċier tal-Banda Peace li din is-sena qiegħed jiċċelebra l-65 sena. Kien il-bidu tal-ħamsijiet tas-seklu li għadda. Il-Kumitat tas-Soċjeta' Mużikali Peace, ħass li l-planċier il-qadim (li kien inħadem fl-1895) sar żgħir għax il-banda kienet kibret. Għaldaqstant kien inħaseb li jsir planċier ġdid, ikbar, u f'għamla differenti minn dik kwadra, bħalma kien l-antik...

Illum is-Sibt 6 ta' Lulju huwa l-Ewwel Sibt tal-Festa ta' Ommna Marija Bambina. Din is-sena ftaħna s-Sibtijiet bi ftit strofi minn poeżija sabiħa li tfakkar l- inawgurazzjoni tal-armar artistiku tal-Faċċata Kollosali li ġiet imżanżna nhar it-3 ta' Settembru 2018. Faċċata Tridimensjonali...Għall-Festa Nazzjonali. 

Is-Soċjeta' Mużikali Peace fl-għeluq il-100 sena mill-Innu Popolari 'O Tfajla Mmakulata' għamlet sett ta' Santi mill-isbaħ u tal-għola kwalita' bix-xbieha għażiża ta' Marija Bambina. Dawn is-santi ser ikunu għal bejgħ mill-Każin tas-Soċjeta' Mużikali Peace tan-Naxxar minn nhar is-Sibt 6 ta' Lulju fejn ser inkunu qiegħdin niċċelebraw llkoll flimkien l-Ewwel Sibt tal-Bambina. Is-santi l-kbar (21 x 11 cm) ser ikunu qiegħdin jinbiegħu għal prezz ta' €7.50 filwaqt li s-santi ż-żgħar (11 x 7 cm) ser ikunu qiegħdin jinbiegħu għal prezz ta' €3.50.

Bħal kull sena l-Banda Peace tkun ferm impenjata b'mod speċjali fl-istaġun tas-Sajf fejn il-banda tiġi mistiedna sabiex idoqq f'bosta servizzi mużikali fil-Festi Maltin.