Soċjeta Mużikali Peace AD 1862

Grazzi lill-Bingoal.com talli sponsorja l-Kompetizzjoni tal-iSnooker

L-aħħar Aġġornament: 30/09/2024

Nixtiequ nirringrazzjaw lil kumpanija Bingoal.com li qed tisponsorja l-kompetizzjoni li għaddejja bħalissa fis-Sala tal-iSnooker, bis-sehem sabiħ ta’ 49 parteċipant. Grazzi wkoll lis-Sur Joseph Galea tal-koordinament.

'𝗦𝗽𝗮𝘇𝗷𝗶 𝗔𝗸𝘁𝗮𝗿 𝗞𝗼𝗺𝗱𝗶 𝗠𝗮𝘁𝘂𝗹 𝗜𝘀-𝗦𝗲𝗻𝗮 𝗞𝗼𝗹𝗹𝗵𝗮' - Proġett ieħor mwettaq

L-aħħar Aġġornament: 23/09/2024

'𝗦𝗽𝗮𝘇𝗷𝗶 𝗔𝗸𝘁𝗮𝗿 𝗞𝗼𝗺𝗱𝗶 𝗠𝗮𝘁𝘂𝗹 𝗜𝘀-𝗦𝗲𝗻𝗮 𝗞𝗼𝗹𝗹𝗵𝗮' huwa proġett ieħor li wettaqna matul l-aħħar ġimgħat permezz ta' fondi amministrati mill-Arts Council Malta bil-kollaborazzjoni tal-Għaqda Nazzjonali Każini tal-Banda. Permezz ta' dan il-proġett ġiet installata sistema ta' arja kundizzjonata fis-sala fejn isiru l-provi tal-banda kif ukoll fil-kamra fejn jiltaqgħa l-Kumitat

Is-sur Edward Azzopardi jirreżenja mill-kariga ta' President

L-aħħar Aġġornament: 18/09/2024

Il-Kumitat tas-Soċjetà Mużikali Peace, Naxxar jixtieq javża lill-membri u lill-pubbliku li l-President attwali, Edward Azzopardi, irreżenja mill-kariga tiegħu b’effett immedjat. Din id-deċiżjoni ttieħdet wara konsultazzjonijiet interni u hija r-riżultat ta’ konsiderazzjonijiet personali u ċirkustanzi oħra. Matul is-snin ta’ servizz tiegħu, il-President Edward Azzopardi mexxa s-Soċjetà b’dedikazzjoni u imħabba, u kien ta’ kontribut sinifikanti biex is-Soċjetà tkompli tikber. Is-Soċjetà Mużikali Peace tibqa’ dejjem grata lejn ix-xogħol kbir kemm amministrattiv kif ukol artistiku tiegħu li ħadem matul is-snin għal din l-istess Soċjetà.

GRAZZI - Festa 2024

L-aħħar Aġġornament: 16/09/2024

Il-Kumitat u l-Kummissjonijiet tas-Soċjeta' jirringrazjaw lill-bandisti, voluntiera, membri, soċji, benefatturi, partitarji u ħbieb tas-Soċjeta tal-kontribut tagħhom matul il-Festa ta' Marija Bambina fejn għal sena oħra għamilna Festa xierqa lill-Ommna Marija Bambina fejn ftaħna l-Festa bil-Ħruġ minn-Niċċa u għalaqna l-Festa bil-purċissjoni bl-akkumpanjament tal-ewwel banda Naxxarija, l-Banda Peace. Grazzi wkoll tmur lill-sħabna tal-Għaqda tan-Nar Marija Bambina, Naxxar fejn ssebħu s-smewwiet bl-arti tagħhom u tax-xows pirottekniċi fejn taw spettaklu sħiħ u sabiħ matul il-Festa tagħna.

Il-Festa t-Tajba

L-aħħar Aġġornament: 08/09/2024

F'isem il-Kumitat u l-Kummissjonijiet tas-Soċjeta' Mużikali Peace, nawguraw il-Festa t-Tajba lill-kulħadd b'mod speċjali lin-Naxxarin u partitarji tal-Banda Peace! Awguri!

Jintrama l-Planċier għas-70 darba fin-Naxxar

L-aħħar Aġġornament: 08/09/2024

Matul il-lejl ta' bejn is-6 u s-7 ta' Settembru, grupp sabiħ ta' voluntiera nngħaqdu llkoll flimkien sabiex il-planċier maestuż tas-Soċjeta' seta jintrama. Dan huwa xogħol mprezzabli fejn dawn il-voluntiera kollha taw il-kontribut tagħhom matul lejl impenjattiv fejn ġie nvellat u mqiegeħed il-planċier. Grazzi!