Soċjetà Mużikali Peace Naxxar

Is-Soċjeta' tagħna li għanda l-fuq minn 150 sena, dejjem għamlet mill-aħjar sabiex tieħu ħsieb li jsir ir-restawr tal-armar uniku u prestiġjuż li ħallew missierijitna fis-Soċjeta' tant għażiża għalina. Bħalissa għaddej r-restawr tal-istandard prim tas-Soċjeta. Dan l-istandard irrakkmat bl-arma tas-Soċjeta', sar fl-1987 fl-anniversarju tal-125 sena. Ix-xogħol ta' restawr jikkonsisti fi trasport tar-rakkmu, drapp, frenża tad-deheb, ċoff u ġmiemen ġodda, u għandu jitlesta sal-Festa li ġejja. Għalhekk qiegħdin inħeġġu lill-dawk kollha li jixtiequ jagħtu l-kontribut b'risq dan il-proġett billi nitlobkom tavviċinaw xi Membru tal-Kumitat Ċentrali. 

GRAZZI MILL-QALB!!

F'Isem il-President u l-Kumitat Ċentrali tas-Soċjeta' Mużikali Peace, nixtieq nawguralkom Milied Hieni u Sena mimlija Ġid, Hena, Paċi u Saħħa.

Minn nhar il-Ħadd, 9 ta' Diċembru, membri tal-Kumitat Ċentrali ser ikunu qiegħdin f'OTTO Clubhouse sabiex tkunu tistaw tirreġistraw bħala Soċji għas sena 2019. Għalhekk inħeġġukom sabiex minn nhar il-Ħadd 9 ta' Diċembru l-quddiem taslu wasla sa' OTTO Clubhouse sabiex iġġeddu t-tessera tagħkom jew tissieħbu għal ewwel darba mal-ewwel banda Naxxarijja.

Clifford Galea minn kamra tal-aħbarijiet lokali, għadu kif għamel taħriġ ġurnalistiku fl-aġenzija tal-aħbarijiet internazzjonali SPUNTIK f’Moska fir-Russja. Dan huwa proġett b’kollaborazzjoni ma’ Aġenzija Żgħażagħ fejn ġurnalisti minn madwar id-dinja jiltaqgħu biex jitħarġu, jaqsmu l-esperjenzi u jiddiskutu tekniki differenti li bihom ġurnalist iwassal l-istorja kif tiġri lill-qarrejja permezz tas-siti soċjali u midja fil-pajjiżi rispettivi.

Is-Soċjeta' Mużikali Peace tifraħ lill-bandista Maris Micallef li ġħaddiet mill-eżami tal-dipLcm Clarinet Performance u ġabet id-diploma fil-mużika. Maris ilha ddoqq għal bosta żmien il-klarinett mal-banda tagħna u studjat u tgħalmet il-mużika mas-surmast tal-banda tagħna, Mro. Lino Pirotta. Maris ħadet sehem f'bosta Programmi Mużikali kif ukoll kellha ċ-ċans li ddoqq diversi 'Solos' mall-banda tagħna.